سكتتْ حَكايا اللّيلْ
مِنْ سوءْ المصيرْ
و شحّ الأملْ و الزّيتْ
بِبْيوتْ محزونة
حاجي تْنقوروا
البابْ ياعصافيرْ ...
ماضلّ دفا بالبيتْ
وْلا ضلّ في مُونة !
وْهاكْ الصّبيّة
النّاطرا عالبابْ...
تخمينْ مابتنامْ !
باللّيل تغزلْ
دمعها أحلامْ
والصّبحْ تنهضْ
تشلحو
عَ رياحْ مجنونة .
* * *
لفّي ودوري بهالدّني ..
يا عجلةْ الأيّامْ
لا بدّْ مرّة
تمرقي.. مْن بوابْ
مقفولة
ويشعّ نورْ الشّمس
معْ سجعْ الحمامْ
يصحّي الحكي
بقلوبْ عالرّاحاتْ
محمولة
وْيُوعىٰ الفجرْ فرحانْ
بْكلمةْ ، صباحْ
الخير يا إنسانْ
يفكفكْ سنابلْ
قمحْ مجدولة
صرلا عمرْ أوطان
يمكنْ قبلْ !
و بغفلة النّسيانْ
بْجهدْ و عرقْ
تعبانْ مجبولة ! .
ليست هناك تعليقات:
إرسال تعليق