ŞEV KİŞWERA MİNE -Xemgîn Remo - غمگين رمو /سوريا

ŞEV KİŞWERA MİNE

Şev helbesta minî dirêje

Şev xatûnek çîrokbêje

Şev şehrezade û mîrê şevê ezim

Di şevê de ez kişwerên xwe

Ji xewn û hêviya ava dikim

Şev bi bêdengiya xwe min dinimîne

Perr û bazikê wê çi hemneşîne

Ez şevê her şev

Bûkek ciwan himbêz dikim

Peyalek meya kevnare dinoşînim ....

Kî dibêjî : şev sîbola şerê ye ?

Ez lêbûrînê ji zara dixwazim

Şev dilovane ,mehrevan û hehrevîne

Keçek dilvîne

Lê her kes nizane keçkaniya wê bişkîne ....

Şevê ez te şaleke reş davêm ser milê xwe

Û rêka kadizka kembera newqa te ye

Li nav komka sêwiya

Dest davêjim kevan

Teraziya dadiyê li dar dixînim

Ez mîrîtiya xwe bi cî tînim ...

Û dildarê perwînê her ezim

Bi elendê re binkirasê te

Pir tenike ji xewnê min re

Ku ez laşê te peykerekî ji xunavê dipelînim ...

Gelawêj wê hingê mizgîniya hengorê

Ji min re tîne

Ku sipêde nîzîk dibe

Ez bi tîrêjên rokê xwe tavil dikim

Û deste gulên buhariya ji te re tînim .....