DİLOVANÎ
Li ber hênik ba yê evîna te
Simbilê vîna min serridîn dilber ...
Buharek geş
Li demxweşê zozanan bû
Û tenik ba yê şevîniya
Xunavî li pel gul ê dilê min
Dibarand ....
Dilberê .. bi wî dilê xunav girtî
Û banga mêbûna te ya li çar kenara
Vedeng dida pezkoviya
Gupînî bi şalûrên dil diketin
Û ber bi keskesorê asoya hildifirîn ...
Belê dilber ... belê ....
Bi wê sergerdanî û mestiya xwe
Min diviya te himbêz kim
Û xwîna min diyariya wê rojê bû ...
Ji hingê cana heta niha
Çend sitêr li ezmanê me rijiyan ?
Çend birrên pezkoviya ji hev qetiyan ?
Çend refên şalûr û bilbila
Mişextî bûn biyaniyan ?
Lê ez û te ji hev nebûn bendewara min
Çendî ku dem li me bûriyan
Ji ber ku tu dilovanî
Her ezê bighêjim hêviyan ....
ليست هناك تعليقات:
إرسال تعليق