Asirem "الأمل"
***
S qli.. Qli..!
F uhafuf yedderba.. Yeɣli..!
Tefukt d acquf f tizi hegrid..
Hettaddelweḥ.. Hettalid..
D tezuggʷaɣet.. Jer n iẓṛwa hulid..
Hbed "Tecawit" hceṛṛε-es axxem..!
Acahhel d ajmem..
Tey huqqel..!
Di-s tin hembeḥr/ hettaqqal..!
Zzɣarit.. D temaɣṛa..!
Aẓaṛbuḍ f y-ixf yeẓẓaḍ.. Yessawel..!
Tessiwel heǧa awel..
Tey d "Tilelli n igellilen".. Ad yessajben..!
D seɣed yenwa..!!
D ameṭṭaw f lkaḥṭ yeswa..
A deg ssarem-eɣ ad yili..!
Nettet hessarem ad tili..
Ad zelgen ʷussen f ʷussen..
ʷad iraren imnayen f y-issen..!
Ad heyynen ijenwen..
Ad-rsen d ameṭṭa f iẓaṛwan..
Hbaɣneq "Hedmut" hejwa..!
Heḥfel f jjemmaṛ heṛwa..
F tefukt hessers fus..
Deg izenẓaṛen hedderba tehwa..!
----------
أسيرم (الأمل)..
***
يور ذ تالقّيمت هسّتش.. هتواتش
س قلي.. قلي..
ف ؤهافوف يدّربا.. يغلي
هافوكث ذاشقوف ف تيزي هڨريد
هتّدّلوح.. هتّاليد
ذ تازوڨّاغث.. جار ن ئژروا هوليد..!
اهبد "هاشاويث".. هشرّعاس أخّام
أشهّال ذاجمام..
ثاي هوقّل
ذيس ثين همبحر.. هتّاقّال..!
ازغاريث ذ تامغرا
أژربوظ ف يخف يژّاظ.. يسّاوال
هسّيول.. هدجا أوال
ثاي ذ تيلللي ن ئڨلليلن.. أد يسّجبان
ذ ساغذ ينوا
ذ امطّاو ف لكحط يسوا
أ ذڨ اسّارامغ اذييلي
نتّاث هسّارام.. اذتيلي
أذزلڨن ؤوسّان ف ووسّان
أذئرارن إمناين ف ييسّان
أذحيّنن ئجنوان..!
أذارسن ذامطّا ف ئژروان
هبغنق هذموث.. هجوا
هحفل ف اجّمّار.. هروا..
ف تفوكث هسّرس فوس
ذڨ ئزنژارن هدّربا.. ثهوا..!!
----------
الأمل..
***
القمر لقمة تآكلت.. أُكِلت
بعضا.. ببعض
على الهاوية وقعٌ.. غاب
الشمس مضعضعة من خلف الأفق لاحت
تترنح طلوعا..!
حمراء بين مقالع الصخور تترقّى
انبرت "الشاوية" اشرعت لها خيمتها
لحبّ يغنيها..
لهذي عيْنا نظرت
تلك فيها رمقتها انبهارا
عرسهما زغاريد
على القامات بارودا يتفاعل
نطقت.. خلّفت قولا:
حرية الغلابى هذي التي أطلّت
حريقا اخضر استوت
دمعة عطاشى الضمأ أروت..!
ما أتأمّله يكون
هي تحلم بالدَّور أن تكون
تتعاقب الأيّام على الأيّام تدور
الخيّالة يتلاعبون.. والفرسان..
تتكاثف الغيوم بالغيوم
تسّاقط على الصّخر دموعا.. ودموع
نغت ضبية شاردة.. ثغت
من خضر النّبت تناولت حد الرّواء..
على كتف الشمس يدها وضعت
في حزم الاشعة وقعت.. في الخضم طيفا غابت..!
كتابة وترجمة "مازيغ"..
ليست هناك تعليقات:
إرسال تعليق