SİBEHÊ ....Xemgîn Remo

Sibehê tê min bibîne darçinarek

Li xaçerêkên çiya

Di rêya seyrangeha de

Bînvedana rêwiya ....

Sibehê ger tu hat

Tê min bibîne kanî ...

Hîva şevînî li rajorê banî

Kezî û biskên min

Hêlîna çûkan

Xatûna evînê

Serdara bûka ...

Sibehê ger tu evîndar bî

Di gola vînê de

Sermest û har bî

Melevano tê bighê

Lûlû û mircana

Li peravê zêrîn

Cîgehê civana ....

Sibehê ez dêlya tirî

Li nîva rezî

Li bin sîbera min

Namînin xwezî

Goşî gihane bo meya jînê

Mêvano de binoşe xwîna birînê ....